Breaking News
recent

கேப்பாப்பிலவு காணியை விரைவில் விடுவிக்குமாறு இரா.சம்பந்தன் ஜனாதிபதிக்கு கடிதம்

இராணுவத்தால் கையக்கப்படுத்தப்பட்டுள்ள முல்லைத்தீவு – கேப்பாப்பிலவு காணியை விரைவில் விடுவிக்குமாறு எதிர்க்கட்சித் தலைவர் இரா.சம்பந்தன் வலியுறுத்தியுள்ளார்.

மக்களின் காணிகளை விடுவிக்குமாறு கோரி ஜனாதிபதி மைத்திரிபால சிறிசேனவிற்கு கடிதம் ஒன்றை எழுதியுள்ளார்.
இந்த கடிதத்தின் பிரதிகள் பிரதமர் ரணில் விக்ரமசிங்க, புனர்வாழ்வு அமைச்சர் டி.எம். சுவாமிநாதன், பாதுகாப்பு செயலாளர், இராணுவத்தலைமைக் கட்டளை அதிகாரி ஆகியோருக்கும் அனுப்பி வைக்கப்பட்டுள்ளன.
பாதுகாப்பு அமைச்சின் மேலதிக செயலாளரினால் ஏற்கனவே உறுதியளிக்கப்பட்டவாறு, 133 ஏக்கர் காணியை இம்மாதம் 23 ஆம் திகதிக்குள் விடுவிக்க வேண்டும் என இரா.சம்பந்தன் வலியுறுத்தியுள்ளார்.
இந்த காணிகளில் இராணுவம் தொடர்ந்தும் தங்கியிருப்பதை நியாயப்படுத்த முடியாதெனவும் எதிர்க்கட்சித் தலைவர் ஜனாதிபதிக்கு அனுப்பியுள்ள கடிதத்தில் சுட்டிக்காட்டியுள்ளார்.
மக்கள் தமது மூதாதையர் வாழ்ந்த காணிகளுக்கு பதிலாக மாற்றுக்காணிகளை பெறுவதற்கோ அல்லது நட்ட ஈட்டைப் பெறுவதற்கோ விருப்பமுடையவர்களாக இல்லை எனவும் அந்த கடிதத்தில் தெரிவிக்கப்பட்டுள்ளது.
காணிகளில் அவர்களுக்குரிய உரிமை மிக வலுவானது என சுட்டிக்காட்டியுள்ள இரா. சம்பந்தன், எத்தகைய மாற்றீடுகளும் அவர்களுக்கு திருப்தியளிக்காது என்பதையும் வலியுறுத்தியுள்ளார்.
தமது காணிகள் விடுவிக்கப்பட வேண்டும் என கோரி காணிகளின் வாசலில் 250 நாட்களுக்கும் மேலாக மக்கள் போராட்டத்தில் ஈடுபட்டுள்ளமை தொடர்பிலும் எதிர்க்கட்சித் தலைவர் ஜனாதிபதிக்கு அனுப்பிள்ள கடிதத்தில் தௌிவுபடுத்தியுள்ளார்.
Jaffna Minnal Media

Jaffna Minnal Media

Powered by Blogger.