Breaking News
recent

வடக்கில் குற்றங்களை கட்டுப்படுத்த விசேட பொலிஸ் பிரிவு – பூஜித் ஜெயசுந்தர

யாழ்ப்பாண மாவட்டத்தில் குற்றங்களைக் கட்டுப்படுத்த மேற்கொள்ளப்படுகின்ற நடவடிக்கைகள் அதிக அதிகாரங்களுடன் கூடிய விசேட பிரிவுகளின் ஊடாக தொடர்ந்தும் முன்னெடுக்கப்படும்.

இவ்வாறு பொலிஸ்மா அதிபர் பூஜித் ஜயசுந்தர திட்டவட்டமாக தெரிவித்துள்ளார்.

இன்று கண்டிக்குச் சென்ற பொலிஸ்மா அதிபர் மல்வத்துப்பீட மகாநாயகரை சந்தித்து ஆசிபெற்றுக்கொண்டார். அதன்பின்னர் ஊடகங்களுக்குக் கருத்துத் தெரிவித்தபோதே அவர் இவ்வாறு தெரிவித்துள்ளார்.

கடந்த சம்பவங்கள் தொடர்பாக நான் வேறு வேலைத்திட்டங்களை முன்னெடுத்துள்ளேன். விசேட அதிரடிப் படையினர் அத்தியாவசிய பாதுகாப்பு நடவடிக்கைகள் மற்றும் வேறு நடவடிக்கைகளுக்காக ஈடுபடுத்தப்பட்டனர். அவர்களுடன் சேர்ந்து எமது அதிகாரிகளும் இணைந்து கடமையாற்றிவருகின்றனர்.

அதை விடவும் விசேட வேலைத்திட்டமொன்றை முன்னெடுக்கவும் எதிர்பார்க்கின்றேன். திட்டமிடப்பட்ட குற்றங்கள் மற்றும் போதைப்பொருள் தொடர்பில் விசேட அதிரடிப் படையினரின் பொறுப்புக்களையும் ஏற்று, விசேட திட்டமொன்றை உருவாக்கி வருகின்றேன். அந்த திட்டம் இறுதிக் கட்டத்தை அடைந்திருக்கிறது. புதிய அதிகாரங்களுடன் புதிய பிரிவொன்றை உருவாக்குகிறேன். இதுகுறித்த முழுமையான தகவல்களை விரைவில் வெளியிடுவேன். திட்டமிடப்பட்ட குற்றங்கள் மற்றும் போதைப்பொருள் கடத்தலை தடுப்பதற்கான கைது நடவடிக்கைகளை பலமானதாகவும், திடமான நடவடிக்கையாகவும் தொடர்ச்சியான முன்னெடுப்போம். – என்று அவர் கூறியுள்ளார்.
Jaffna Minnal Media

Jaffna Minnal Media

Powered by Blogger.